مساجلة دارمي بين عاشق وحبيبتة
**********************
العاشق:لاتضن يوم انساك وانسة الايام
اذكرك من اشوف الطير والصﮔر لو حام
المحبوبة:انسه الحبيب اشلون وهو عالبالي
من امشي دوم وياي صاير خيالي
العاشق:اشلع اعيوني الاثنين وانطيهن هديه
ازحف زحف لهواي لو ﮔطعوا رجليه
المحبوبة:افﮕس اعيوني الاثنين واعمي نظرهن
من ما اشوف اهواي شلي بصرهن
العاشق:اسم الله عالعيون هاي الوسيعه
كلبي اخذه وياك يمـــــك وديـــعه
المحبوبة:ﮔلبك يمي هنا وبصدري قفلته
ومفتاحه بسبع ابحور شلته وﮔطفته
العاشق:ﺤﺑﭻ ﻧﮔﻊ بالشريان وبعروﮔﻲ جاري
احبك اموت عليك هذا قراري
المحبوبة:حبك ﺒﮕلبي انطبع وصورته انته
يلهج بأسمك دوم دخيلك سكته
العاشق:اﺳﻣﭻ من يمر طاريه ﮔلبي شجاه
يرجف كلش حيل من يذكر هواه
المحبوبة:ﮔلبك يرجف حيل من انذكر يمك
أنفصل جسد عن روح لو ذكروا اسمك
